Први денови на СО Македонија

   (25 - 26 декември 2003 г.)

 

 

      На крајот на годината, на 25 и 26 декември 2003 год, ги одбележавме Првите денови на СО Македонија, комбинација на спортски со социјално-културно-забавни активности. Во спортскиот дел, на терените на Воениот спортски центар во паркот во Скопје, учествуваа  поединци и екипи од цела Македонија (Скопје, Демир Капија, Битола, Велес, Штип, Куманово, Прилеп,Охрид итн.), натпреварувајќи се во 4 дисциплини и тоа: фудбал, атлетика, пинг-понг и кошарка.

 

      Истиот ден, Деновите на Специјалната Олимпијада Македонија беа збогатени и со една поширока културно-забавна програма, обединувајќи го и истакнувајќи ја важноста на социјалниот - инклузивен дел. Во просториите на Домот на АРМ имаше дружење, изложби на дела и ракотворби, мали креативни работилници, разни перформанси и презентации, а сето тоа беше заокружено со една забава на која пееа и учествуваа наши членови, групи и поединци од цела Македонија, како и наши познати лица од естрадата (Маја Гроздановска-Панчева, Калиопи, Брејк, Бени, Мама Бенд итн.).

 

      Следниот ден, под покровителство на МОБИМАК, на терените на Воениот спортски центар во паркот во Скопје, имаше спортско-забавни активности  од мешан карактер, т.е. заднички екипи составени од членови на СО Македонија, волонтери, естрадни ѕвезди, лица од јавниот живот и, секако, МОБИМАК. Наедно, на најуспешните им беа доделени и соодветни награди. 

 

 

< претходен настан  |  галерија  |  нареден настан >

   

  Специјална Олимпијада Македонија © Сите права се задражани 2006.